luns, 2 de abril de 2018

Introdución ao Deseño 3D con TinkerCAD (3º ESO). Curso 2017-2018.


O seguinte contido da materia será unha introdución ao Deseño 3D coa ferramenta "en liña" TinkerCAD.

TinkerCAD é un sinxelo entorno de Deseño 3D que non necesita instalación no teu ordenador, pois se executa desde o teu navegador. Só necesitas rexistrarte (por exemplo utilizando a túa conta de ieschp.com).

Unha vez realizado o teu deseño (que se gardará nos servidores de TinkerCAD), podes compartilo (facéndoo público) en Thingiverse ou descargalo no teu ordenador en formato .stl.

O deseño en formato .stl poderás abrilo co programa Repetier no Taller de Tecnoloxía e pasalo a formato .gcode con Slicer, que é o que "entende" a impresora 3D.

Para ter unha primeira visión das posibilidades do Deseño e Impresión 3D, podes visualizar a seguinte presentación en Prezi, realizada por César Riádigos:




Por último, se queredes ver unha pequena introdución a TinkerCad, podedes acceder á seguinte ligazón na páxina DIWO (de BQ) ou premer na seguinte ligazón a un videotitorial de TinkerCAD (en Inglés).
 Exemplo deseño con TinkerCAD

Contidos de Informática (2º ESO). Curso 2017-2018.

Os contidos que traballaremos durante a 3ª avaliación serán:
  • Introdución á programación.
  • Programación con Scratch 1.4.
  • Uso do procesador de texto Writer, da Suite LibreOffice.org.
  • Tratamento básico de imaxes.
  • Entrega das memorias dos proxectos en formato PDF.

Introdución a Scratch

Comezaremos cunha sesión introdutoria á programación, "Introdución á programación.pdf", para saber como codifica a información un computador.

De seguido, para comprender a linguaxe de programación Scratch, realizaremos as 12 Scratch Cards (exercicios introdutorios a Scratch).

Para calquera dúbida co aplicativo Scratch na versión 1.4 que teñen instalada os miniportátiles, preme na seguinte ligazón para acceder a unha guía de referencia: ScratchGuiaReferencia14.pdf.

Actualmente están dispoñibles (tanto na súa versión Web como instalable no ordenador) a versión 2.0 de Scratch, que é na que está baseado o aplicativo mBlock que se utiliza para programar os robots Mbot Ranger na materia de Tecnoloxía de 3º de ESO.

Por último, o profesor proporá tarefas (programas en Scratch) a entregar no curso de 2º ESO da plataforma Google Classroom do noso Instituto.


Uso do procesador de texto Writer, da Suite LibreOffice.org.

Rematado o contido de Scratch, faremos unha introdución ao uso do procesador de texto Writer, co obxectivo de que se entregue a memoria do proxecto realizado durante a 2ª avaliación en formato dixital.

Comeza este contido coa proposta dun exercicio: Exercicio.pdf, que consiste na realización dun modelo de traballo en Writer, para a súa correcta realización debes seguir as instrucións básicas contidas no pdf: Procesado de textos con Writer.

Para axudar na realización do exercicio, se proporciona un modelo de como debería quedar o exercicio realizado: Modelo exercicio.pdf.

O último exercicio do curso, será a entrega, no curso de 2º ESO da plataforma Google Classroom do noso Instituto, da memoria do proxecto, realizada co procesador Writer.

martes, 20 de marzo de 2018

Resultados da II Competición de robótica do IES. Chano PIñeiro. Curso 2017-2018.

A continuación se mostran os resultados da II Competición de robots do IES. Chano Piñeiro, nas modalidades Segueliñas e Laberinto.

Na modalidade Segueliñas, cada grupo contou con 2 intentos para dar 1 volta ao circuíto no menor tempo posible (no caso de non rematar unha das voltas, a penalización é de 1000 segundos). En caso de empate a mellores tempos, o gañador se decide pola suma dos 2 tempos obtidos.

O ranking da proba Segueliñas quedou como segue:
Na modalidade Laberinto, cada grupo contou con 2 intentos para lograr saír do laberinto no menor tempo posible. En caso de empate a mellores tempos, o gañador se decide pola suma dos 2 tempos obtidos. En caso de non lograr ningún equipo saír do laberinto, se decidirá o gañador polo que recorra maior distancia no menor tempo posible, resolvéndose o posible empate pola suma das distancias obtidas e en última instancia polo menor tempo.

O ranking da proba Laberinto quedou como segue:

luns, 19 de marzo de 2018

Proxectos realizados (2º ESO B). Curso 2017-2018.

Estes foron os proxectos realizados durante a 2ª avaliación no Taller de Tecnoloxía por parte dos alumnos de 2º ESO B:
Grupo 1. Catapulta: Diana Rozados, Sofía Rey e Xabier Mosquera.

Grupo 2. Triciclo Chinés: Tamara Sieiro, Nayeli Acosta, Lucía Cortizo e Ángela Sanjuán.

Grupo 3. Ponte levadiza: Estela López, Mario Fernández e Irene Pérez.

Grupo 4. Robot OTTO DIY+: Inés Álvarez, Candela Álvarez e Christian Nuez.

Grupo 5. Elevador Exipcio: Álex Fernández, Ismael Obelleiro e Cristian Paz.

Grupo 6. Carretilla elevadora: Igor García, Santiago Tato e Adrián Miranda.

Proxectos realizados (2º ESO A). Curso 2017-2018.

Estes foron os proxectos realizados durante a 2ª avaliación no Taller de Tecnoloxía por parte dos alumnos de 2º ESO A:
Grupo 1. Ponte Levadiza: Paula Campos, Óscar Márquez e Hugo Fernández.

Grupo 2. Carretilla elevadora: Brais Villaverde e Adrián Soto.

Grupo 3. Maqueta Casa: Rosalía López, Débora Blanco, David Silva e Fancisco Dapena.

Grupo 4. Triciclo Chinés: Antía Taboada, Adán Otero e Paula Piñeiro.

Grupo 5. Maqueta Ponte: Cristina Soto, Ainara Álvarez, Lorena Pereira e Eva García.

Grupo 6. Coche "Oldtimer": Miguel Simal, Adán López e Yago Camiña.

martes, 6 de marzo de 2018

II Competición de Robótica (3º ESO). Curso 2017-2018.

Deseño do Cartel: Sebastián Álvarez Fontán
O vindeiro martes 20 de marzo (entre as 15:30 e as 17:10), terá lugar a 2ª Competición de Robots do IES. Chano Piñeiro.

Nesta 2ª edición, a participación está limitada aos alumnos de 3º de ESO, distribuídos en 10 grupos.

A competición terá 2 modalidades:
  • Segueliñas. O robot debe seguir unha liña negra coa axuda do sensor de IR. Cada grupo contará con 3 intentos para completar 1 volta ao circuíto, gañará o robot que realice a volta no menor tempo. En caso de empate, o gañador se decidirá pola suma dos 3 tempos obtidos. (Se un robot non completa unha volta, será penalizado con 1000 segundos. O circuíto ten unha lonxitude duns 8 metros).

  • Labirinto. O robot debe escapar do labirinto coa axuda do sensor de ultrasóns. Cada grupo contará con 3 intentos, gañará o robot que escape no menor tempo, en caso de que ningún robot logre saír, gañará o robot que recorra unha maior distancia dentro do labirinto no menor tempo posible. (Se un robot golpea as paredes do labirinto, se parará a proba e será penalizado con 1000 segundos. O circuíto ten unha lonxitude de 9,6 metros).

Os resultados das competicións se mostrarán nunha futura entrada deste blogue.

xoves, 1 de febreiro de 2018

Día da Ciencia en Galego: Programación dos robots Mbot Ranger. 3º ESO. Curso 2017-2018.

Traballo presentado nas actividades do día da Ciencia en Galego, celebrado no IES. Chano Piñeiro o martes 16 de xaneiro de 2018.

Monitores: Froilán González, Jairo Dias e Pablo Montáns.

Actividades realizadas:
Medición dos niveis de sonido ambiental en diversas áreas do Instituto. O programa realizado en Mblock foi: Medidor de sonido ambiente.sb2.
Medición obtida no Taller en silencio
Medición obtida no Salón de actos no Día da Ciencia

Iluminación do anel de LEDs seguindo o ritmo da música. O programa realizado en Mblock foi: Iluminar Leds a bordo seguindo a musica.sb2.
Foi utilizado na presentación do proxecto sobre Litofanías.
Iluminación da Litofanía de Chano Piñeiro (música Jean Michel Jarre)

Control do movemento do robot por Bluetooth. O programa realizado en Mblock foi: Contol_Teclado_motores.sb2.

sábado, 27 de xaneiro de 2018

Introdución á Electricidade. 2º ESO. Curso 2017-2018.


Este tema abarca os coñecementos básicos de Electricidade necesarios para a realización dos proxectos no Taller durante a 2ª avaliación.

Nos seguintes documentos tes toda a información que trataremos neste tema:


Para ampliar información sobre o apasionante mundo da Electricidade, podes premer na seguinte ligazón sobre Historia da Electricidade en Wikipedia.

sábado, 13 de xaneiro de 2018

Contidos de debuxo. 2º de ESO. Curso 2017-2018.

Co obxectivo de axudar na presentación dos proxectos técnicos a realizar no Taller (planos, vistas, etc) e no trazado das pezas que debamos mecanizar durante a construción dos proxectos, veremos como realizar bosquexos e esbozos dos proxectos ou das pezas que o compoñen, así como tamén aprenderemos a acoutalos.

Para os que contedes con planos de construción e para aqueles que teñades que realizar os planos de construción por primeira vez, axudaravos a interpretar os debuxos que aparecen neles ou a realizalos.

No seguinte documento PDF se recompilan os contidos básicos de debuxo para este curso, podes descargalo premendo na seguinte ligazón: Debuxo 2º ESO.pdf.

mércores, 13 de decembro de 2017

Proxectos tecnolóxicos para a 2ª Avaliación. 2º ESO. Curso 2017-2018.

Durante a 2ª avaliación se realizarán os proxectos tecnolóxicos no Taller. Cada grupo debe decidir, antes de irse de vacacións de Nadal, o proxecto a realizar, buscar a información que necesitará e planificar a construción. Así, á volta das vacacións comezarán a construción do proxecto elixido.

Os grupos de taller para a 2ª avaliación serán:
De seguido tedes as ligazóns aos planos de construción en formato PDF:
  • Grupo 1: Ponte levadiza (Opitec nº 105.456).
  • Grupo 2: Carretilla elevadora(Opitec nº 101.152).
  • Grupo 3: Maqueta de unha casa (elaborarán os planos durante a fase de construción).
  • Grupo4: Triciclo chinés (Opitec nº 101.887).
  • Grupo 5: Ponte (elaborarán os planos durante a fase de construción).
  • Grupo 6: Coche antigo "Oldtimer" (Opitec nº 101129).
De seguido tedes as ligazóns aos planos de construción en formato PDF:
Durante a elaboración do proxecto cada grupo deberá completar os seguintes documentos: Diario do proxecto.pdf e Diario de Taller.pdf, que lle permitirán redactar a Memoria do proxecto (Preme para descargala en formato pdf ou odt Memoria.pdf ou Memoria.odt).